Ymgynghoriad SATC – Staff a Thenantiaid SESIWN YCHWANEGOL

MAE'R SESIWN HON YN LLAWN

Dydd Mwrth 12 Gorffennaf 10- 11.30am

Mae hon yn sesiwn ymgynghori ychwanegol ar gyfer y tenantiaid a'r staff hynny na allant gael lle ar 8 neu 9 Mehefin

Ymunwch â ni am sesiwn gwybodaeth a thrafodaeth ar y diweddariadau arfaethedig i Safon Ansawdd Tai Cymru (SATC). Mae ymgynghoriad ffurfiol ar hyn o bryd ar agor.

Mae SATC wedi bod o gwmpas ers 2002 ac mae’n gosod y safon ar gyfer pob cartref cymdeithasol presennol yng Nghymru. Mae’n cwmpasu popeth yn y cartref e.e. effeithlonrwydd ynni, ceginau, ystafelloedd ymolchi, gerddi. Mae manylion y safon gyfredol i'w gweld yn y dolenni hyn:

• Safon Ansawdd Tai Cymru | LLYW.CYMRU
• Safon Ansawdd Tai Cymru – Canllawiau | LLYW.CYMRU

Mae SATC wedi cyflawni llawer, ac wedi gwella cartrefi dros 20 mlynedd ond mae angen fersiwn newydd o SATC wedi'i diweddaru bellach. Bydd yn edrych yn gyfarwydd ond bydd yn anelu at ein gyrru ymlaen wrth fynd i’r afael â chynhesrwydd fforddiadwy a datgarboneiddio a materion eraill megis lloriau ledled y cartref ac effeithlonrwydd dŵr.

Rydym am wneud y mwyaf o'r cyfle - mae'r SATC newydd yn debygol o fod gyda ni am amser hir ac rydym am gael y safon orau y gallwn. I wneud hynny, mae angen barn tenantiaid a staff y mae'r newidiadau yn effeithio'n uniongyrchol arnynt. Yn y sesiwn hon byddwn yn casglu adborth ac yn darparu gwybodaeth ar sut y gallwch ymateb yn uniongyrchol i'r ymgynghoriad.

Mae’r sesiwn ymgynghori ychwanegol hon ar gyfer y tenantiaid a'r staff hynny nad oedd yn gallu cael lle ar 8 neu 9 Mehefin.

Sylwch NAD yw hon yn sesiwn ymgynghori dechnegol.  Fel TPAS Cymru rydym wedi trefnu’r sesiwn hon ar gyfer tenantiaid, a staff rheng flaen sy’n gweithredu mewn rôl cyswllt/tai â chymorth sy’n gallu rhannu barn tenantiaid am SATC 2 a/neu sut a pha wybodaeth SATC 2 sy’n cael ei chyfleu i denantiaid ynghylch sut y caiff ei roi ar waith.

NODER: Mae Llywodraeth Cymru yn cynnal sesiynau ymgynghori ar gyfer ALlau a Landlordiaid Cymdeithasol Cofrestredig ar agweddau technegol SATC 2 ar 7 a 14 Mehefin