1) Technegau Ymgysylltu Digidol. 

Mae'r cwrs hyfforddi undydd newydd hwn yn orlawn o dechnegau ac atebion i fynd â chyfranogiad cymunedol i lefel newydd. 

Byddwch yn synnu ar ba mor syml yw rhai o'r dulliau wrth gyrraedd cynulleidfa gymunedol lawer ehangach. Nid yw hyn yn ymwneud â chyfryngau cymdeithasol yn unig, rydym yn edrych ar gymaint mwy. Mae'r byd digidol yn llawn offer ac adnoddau rhad ac am ddim neu am gost isel i drawsnewid eich llwyddiant ymgysylltu.

Caiff y digwyddiad hyfforddi hwn ei addasu’n rheolaidd i sicrhau ei fod yn cael ei diweddaru'n gyson, a byddwch yn dysgu am y technegau y gallwch eu rhoi ar waith a'u gweithredu'n syth.

At bwy y mae wedi ei anelu:  Unrhyw un sydd eisiau ehangu eu hymgysylltiad ar-lein a chyfathrebu ag ystod ehangach o gyfranogwyr cymunedol.  Noder:  Nid yw ar gyfer y rhai sydd â sgiliau cyfrifiadurol cyfyngedig. Yn ddelfrydol, bydd cyfranogwyr yn gyfarwydd â defnyddio ffôn clyfar, tabled neu gyfrifiadur personol. Maent eisoes yn gallu pori ar-lein ac yn ddelfrydol wedi defnyddio un math o gyfryngau cymdeithasol.

 2) Cyfranogiad trwy Fideo

Nid yw hyn yn ymwneud â sut i greu fideos hir, diflas a chorfforaethol. 

Mae'r hyfforddiant undydd yn ymwneud â defnyddio eich ffôn clyfar neu dabled i wneud fideo syml, ond effeithiol sy’n sy’n cipio’r foment ar ei orau.  Fe fyddem yn dangos i chi sut i wneud addasiadau ac ychwanegion i offer sydd gennych yn barod i uchafu eich effeithiolrwydd. 

Byddem hefyd yn edrych ar ddulliau arloesol o sut i ffilmio a golygu eich fideos. 

Yn olaf, byddem yn edrych ar sut i ddarlledu a mwyhau er mwyn eithafu eich neges i’ch cynulleidfa darged. Ers lansio’r cwrs yma flwyddyn yn ôl, mae wedi bod yn boblogaidd iawn. Gallwn ei gyflwyno yn fewnol i’ch sefydliad, neu fe allwn hefyd gynnal cyrsiau agored.  Mae’r cwrs yn cael ei ddiwygio a’i ddiweddaru ar gyfer bob cyflwyniad fel eich bod yn derbyn y wybodaeth fwyaf diweddar a chyfoes.

At bwy y mae wedi ei anelu:  Unrhyw un sydd eisiau ehangu eu hymgysylltiad ar-lein a chyfathrebu ag ystod ehangach o gyfranogwyr cymunedol. Nid yw’n unigryw i denantiaid na swyddogion tai.   Noder:  Nid yw’n gofyn am unrhyw brofiad o ddefnyddio fideo, fodd bynnag nid yw ar gyfer y rhai â sgiliau cyfrifiadurol cyfyngedig.   Bydd cyfranogwyr yn gyfarwydd â defnyddio ffôn clyfar, tabled neu gyfrifiadur personol. Maent yn pori ar-lein yn rheolaidd, wedi cymryd ffotograffau, ac yn gwybod sut i lawr lwytho ap neu raglen.

Costau  

Gellir cyflwyno’r ddau gwrs uchod yn fewnol i’ch sefydliad i grŵp cymysg o denantiaid a gweithwyr proffesiynol tai.

Y gost fel arfer yw £700 + TAW am hyd at 15 o bobl.  Dyma’r ffordd fwyaf cost-effeithiol o uwchsgilio eich staff a’ch tenantiaid gan y gellir hyfforddi 15 o bobl am £46 + TAW y person ac fe fyddwn yn dod i sefydliad o’ch dewis chi, sydd yn lleihau treuliau teithio.

Rydym hefyd yn cynnal cyrsiau hyfforddi ar gyfer unigolion i fynychu ym mhob cornel o Gymru a’r gost fel arfer yw £69 + TAW y person.

Os oes gennych ddiddordeb mewn unrhyw un o’r uchod, cysylltwch â ni ar 02920 237303 neu [email protected]    

Nodiadau:  

Bydd cyfranogwyr ar y cyrsiau uchod yn derbyn cefnogaeth barhaus a diweddariadau newydd i sicrhau eu bod yn parhau i fod mor gyfoes a pherthnasol ag sy’n bosib.

Mae nifer o gyfranogwyr a allai elwa o'r hyfforddiant hwn (yn ychwanegol at yr arweinwyr tenantiaid a swyddogion cymunedol arferol ). Fe'i croesawyd gan staff cyfathrebiadau, pobl sy'n gweithio gyda phobl ifanc, a'r rhai sy'n ymwneud â chreu swyddi neu gefnogi / mentora busnesau newydd.