Yn TPAS Cymru rydym wedi gweld ymdrech fawr gan Gymdeithasau Tai ac Awdurdodau Lleol ledled Cymru i wella cyfranogiad digidol o fewn y cymunedau maent yn gweithredu ynddynt. Gwelwyd tystiolaeth amlwg o hyn yn ein Gwobrau Cyfranogi diweddar, gyda Chymdeithas Tai Clwyd Alyn yn ennill y wobr Cyfranogiad Digidol gyda’u menter ffantastig ‘Digidol gan Ddiofyn’. Mae’n wych i glywed am yr holl waith ‘cyfranogiad digidol’ gwych sy’n mynd ymlaen yn y byd, ond nid ydym wastad yn cael gweld y prosiectau hyn ar waith drosom ni ein hunain. Felly pan glywais yn ddiweddar am wasanaeth gwych sy’n cael ei gyflwyno yn y dref lle’r wyf fi’n byw, roeddwn yn awyddus i gael gwybod mwy.
 

Darllenais am Wasanaeth Cyfranogiad Digidol Cymdeithas Tai Newydd’ ar fy mhorthiant newyddion lleol lle’r oedd yn derbyn cydnabyddiaeth am gyflawni Achrediad Siarter Digidol yn ddiweddar. Euthum i un o’u sesiynau wythnosol yn fy llyfrgell leol a chyfarfod â Scott Tandy, Swyddog Adfywio Cymunedol CT Newydd sy’n cynnal y rhaglen.

Gan weithio mewn partneriaeth â CT Hafod, CT Cymru a’r Gorllewin, Cyngor Sir Rhondda Cynon Taff, Cyngor Bro Morganwg a Chymunedau’n Gyntaf, mae’r fenter wedi helpu oddeutu 165 o bobl ers mis Ebrill yn unig a llawer mwy cyn hynny. Mae’r sesiynau yn cael eu cyflwyno gan ‘hyrwyddwyr digidol’ gwirfoddol ac esboniodd Scott bod sbectrwm y cyngor a’r cymorth digidol maent yn eu darparu yn amrywiol iawn. Gall amrywio o gymorth gydag anfon e-bost, sefydlu cyfrif Skype neu we-lywio Windows 10 (Rhywbeth y gallwn i wneud gyda rhywfaint o help arno fy hun).

Hyd yn oed gyda gwybodaeth helaeth i fanteisio arno, mae cyfathrebu gwybodaeth a dysgu amrywiaeth eang o bobl sydd â galluoedd gwahanol yn heriol. Felly, roedd yn wych clywed am gymaint o fuddsoddi yn y ‘hyrwyddwyr digidol’. Mae’r holl wirfoddolwyr yn derbyn ‘Hyfforddiant Hyrwyddwyr Digidol’ gan Gymunedau Digidol Cymru ac wedyn yn cael eu cysgodi gan wirfoddolwyr mwy profiadol eraill nes eu bod yn gyfforddus i gyflawni er eu pen ei hunain. Maent hefyd yn cael eu cefnogi gan ganllawiau manwl a wneir gan Scott a gallant rannu eu profiad eu hunain trwy grŵp Facebook.

Roedd Scott yn canmol y gwirfoddolwyr, eu hymroddiad a’u hymrwymiad i gyflwyno’r gwasanaeth hwn yn fawr iawn. Roedd yn amlwg i mi fod ei angerdd a’i frwdfrydedd ei hun am werth y fenter hefyd wedi chwarae rhan enfawr yn ei dwf a’i lwyddiant. Dywedodd wrthyf fod ei waith ‘yn dod a llawer o foddhad iddo’ gan ei fod wir yn cael effaith gadarnhaol ac yn gwella cynhwysiant digidol. Buom hefyd yn trafod ei bod yn anodd dangos y gwahaniaeth y mae mentrau fel hyn weithiau yn ei wneud i fywydau pobl, ond drwy fynychu un o’r sesiynau fy hun, roedd yn amlwg i mi pa mor fuddiol yw’r gwasanaeth i’r bobl y mae’n eu cefnogi.

Euthum i sesiwn lle’r oedd Scott yn cynorthwyo Mark, dyn lleol i ddefnyddio ei ffôn yn effeithiol, gan gynnwys e-bostio oddi arno fel y gallai yn e-bostio ei chwaer yn rhwydd. Roedd y ffordd yr oedd Scott yn gallu egluro swyddogaethau technolegol ac ateb amrywiaeth o gwestiynau yn wirioneddol drawiadol. Roedd Mark yn ddiolchgar iawn am y cymorth a roddwyd iddo ac yr oedd yn awyddus i ddod yn ôl yr wythnos ganlynol ar ôl ymarfer yr hyn yr oedd wedi’i ddysgu. Roedd yn amlwg ei fod wedi mwynhau’r sesiwn ac yr oedd yn wirioneddol awyddus i ddysgu a dod yn fwy gweithredol yn ddigidol.

Gyda mwy a mwy bellach ar-lein yn unig , bydd gwasanaethau fel yr un yma yn dod yn gynyddol bwysig. Eglurodd Scott fod llawer o’r gwaith a wnânt yn golygu helpu defnyddwyr gwasanaeth i we-lywio gwefannau megis Universal Job Match i chwilio am swyddi, sefydlu cyfrifon ar-lein a gwneud taliadau ac ati (pethau sy’n gallu drysu hyd yn oed y rhai mwyaf digidol ohonom). I mi, mae hyn yn amlygu pa mor aruthrol o ddifreintiedig fyddai pobl yn ein cymunedau pen a fyddai gwasanaethau fel hyn yn bodoli. Dengys tystiolaeth fod tenantiaid tai cymdeithasol yn dal i fod yn anghyfartal o ddigidol eithriedig, ac mae hyn yn effeithio’n negyddol ar eu gallu i gael y wybodaeth a’r cyfleoedd sydd ar gael i’r rhai gyda’r offer a’r sgiliau i we-lywio ein byd digidol.

Yn TPAS Cymru credwn fod y pwysigrwydd a’r gwerth o greu cymunedau digidol cynhwysol wedi ei sefydlu’n dda ar draws y Sector Tai Cymru. Mae nifer o enghreifftiau o brosiectau a mentrau gwych sy’n mynd i’r afael â’r ‘rhaniad digidol’ fel yr un yma a ddarperir gan Newydd a’i bartneriaid. Wrth gwrs mae wastad lle i wneud mwy, ond yn ôl yr ymrwymiad a’r ymroddiad yr wyf i wedi ei weld gan staff a gwirfoddolwyr hyd yn hyn, mae’n her y mae’r sector mewn sefyllfa dda i’w ymgymryd. Efallai y gallwn hyd yn oed arbed ychydig o iPads rhag bod yn fatiau diod costus ar yr un pryd!

Phoenix Averies, Swyddog Prosiectau (De Cymru)
E-bost: [email protected]
Twitter: @Phoenix_TPAS
Linkedin: Phoenix Averies
I ddarganfod mwy am Gyfranogiad Digidol yng Nghymdeithas Tai Newydd a sut y gallwch chi gymryd rhan, cysyllter â Scott Tandy ar 07584501216

I ddarganfod mwy am sut y gall TPAS Cymru eich helpu gyda chyfranogiad digidol, cysylltwch â ni ar 02920 237303 neu trwy e-bost [email protected]