Defnyddio Digidol ar gyfer Ymgysylltu â Thenantiaid a'r Gymuned (Caerfyrddin)

Beth ydyw?

Bydd TPAS Cymru, fel arbenigwyr ymgysylltu yng Nghymru, yn Yr Atom, Cearfyrddin ar 12 Tachwedd i ddarparu hyfforddiant a fydd yn newid y ffordd yr ydych yn ymgysylltu â'ch cymunedau.

Rydym am ddangos i chi sut i ehangu a thrawsnewid eich ymgysylltiad gan ddefnyddio technegau digidol syml ond effeithiol. Mae'n llawn syniadau, ond mae'n hwyl, yn ymarferol ac mae'n cynnwys enghreifftiau clir o ystod eang o sectorau o Gymru a thu hwnt. Fe gewch eich ysbrydoli!

Byddwn yn gorffen y diwrnod gyda golwg ar dechnoleg newydd a fydd yn effeithio ar sut y bydd pobl yn ymgysylltu â'i gilydd yn y dyfodol.

Eraill sydd wedi elwa

Cafodd yr hyfforddiant hwn ei ddatblygu yn y 12 mis diwethaf, ond mae'n cael ei diweddaru bob mis gyda deunydd newydd.

Fe'i cyflwynwyd i nifer o Landlordiaid ac Awdurdodau Lleol hyd yma i swyddogion a thenantiaid a derbyniwyd adborth cadarnhaol iawn.

Yn ogystal, mae sefydliadau’r trydydd sector megis MIND a BASW wedi elwa.

Ar gyfer pwy?

Am y canlyniadau gorau, yn ddelfrydol dylai mynychwyr allu defnyddio ffôn smart neu dabled, wedi defnyddio un math o gyfryngau cymdeithasol a gwybod sut i lawr lwytho ap. Nid yw hwn ar gyfer y rhai â sgiliau digidol isel iawn.

Cyflwynir gan

David Wilton, Prif Weithredwr TPAS Cymru.

Mae'r rolau blaenorol yn cynnwys Pennaeth Digidol Legal & General PLC, ond mae'n fwy balch o fod yn defnyddio'r technegau yn yr hyfforddiant hwn i gynorthwyo sefydliadau i ymhelaethu eu negeseuon a'u dulliau ymgysylltu.

I archebu eich lle, gellir gwneud hyn trwy ein system archebu ar-lein isod.  Noder: mae’n rhaid i ni dderbyn eich archebion erbyn y dyddiad cau o 5 Tachwedd 2019.