Rhwydwaith Swyddogion Cymru Gyfan 2019

Ail-wefru eich pwerau archarwr o ran ymgysylltu 

Mae ein diwrnod rhwydwaith swyddogion Cymru gyfan yn fan lle gall pawb sy'n gweithio ym maes Ymgysylltiad Tenantiaid a Chymunedau ganfod syniadau, clywed am yr arferion diweddaraf ac ail-wefru eu pwerau archarwr. Mae'n le i ni ofyn cwestiynau, rhannu profiadau a gwybodaeth, cyfnewid awgrymiadau a gwneud cysylltiadau newydd. Mae'n rhywle y gall pob un ohonom ddod i rwydweithio, rhannu syniadau a gwybodaeth.

Rydym wastad wedi gwybod mai'r cymysgedd anhygoel o bobl sy'n cymryd rhan yn ein diwrnodau rhwydwaith ar y cyd sy'n eu gwneud yn wych, felly os oes gennych ddiddordeb mewn clywed gan eraill o wahanol sefydliadau neu os ydych eisiau rhannu syniadau, dewch draw a chymryd rhan.

Bydd y dydd yn cynnwys y canlynol:

• Enghreifftiau o astudiaethau achos arfer da gan siaradwyr gwadd
• Sesiynau rhwydweithio yn seiliedig ar y themâu allweddol diweddaraf, gan gynnwys:

• Cipolwg Ymddygiadol /’Nudge’ - A allai ein helpu i gael mwy o bobl i gymryd rhan? Archwiliwch sut y gallwn ddefnyddio'r hyn a wyddom am sut mae pobl yn ymddwyn ac yn meddwl, i ddod o hyd i ffyrdd i'w hannog i gymryd rhan. Ydych chi wedi ceisio defnyddio ‘nudge’?
• Gwerthuso ac Adrodd yn ôl – sut ydych chi'n gwerthuso'r gwahaniaeth y mae eich gweithgareddau ymgysylltu yn ei wneud? Sut ydych chi'n dangos bod ‘deilliannau' yn cael eu cyflawni? Sut ydych chi'n rhoi adborth am y gwahaniaeth mae ymgysylltu yn ei wneud?
• Dulliau Seiliedig ar Asedau – a yw'r dull hwn yn gweithio ar gyfer Ymgysylltiad Tenantiaid a Chymunedau? Sut y gellir defnyddio'r dull hwn? Beth i’w ystyried.

Hefyd, os ydych chi'n awyddus i ddangos eich gwaith ar-lein drwy rannu prosiectau rydych chi wedi bod yn ymwneud â nhw, mi gewch, gan y bydd cyfleoedd i chi gyflwyno a rhoi cynnig ar siarad mellt yn steil ‘PechaKucha’!  (Mae PechaKucha yn fath o gyflwyniad lle mae 20 sleid yn cael ei ddangos am 20 eiliad yr un (6 munud a 40 eiliad i gyd. Mae’r dull yma yn cadw cyflwyniadau yn gryno a chyflym).

Rhowch wybod i ni os ydych eisiau siarad.

Mae hwn yn ddigwyddiad i aelodau TPAS Cymru yn unig ac mae’n addas ar gyfer bob aelod o staff.

NODER - roedd digwyddiad y llynedd wedi gwerthu allan, felly archebwch eich lle yn gynnar drwy’r system archebu ar-lein isod

Gobeithiwch eich gweld chi yno.

Dewch â’ch pwerau archarwyr o wybodaeth, profiad, brwdfrydedd, didwylledd a’r parodrwydd i wrando ar eraill i weithio pethau allan gyda’ch gilydd - Nid oes angen gwisg archarwyr.

Os hoffech lety yn y gwesty’r noson cynt, gan and yw eich pwerau’n gallu ymdopi â chodi’n fuan y ar y bore, rydym wedi trefnu cytundeb corfforaethol gyda'r gwesty - Gwely a Brecwast am £90/y noson.  Os oes rywun eisiau archebu, cysylltwch â’r Metropole yn uniongyrchol a dywedwch ei fod ar gyfer rhwydwaith TPAS Cymru'r diwrnod canlynol.