Ymgysylltu cynhwysol - gwneud pethau'n iawn mewn byd newydd (Hyfforddiant 2 ran)

Dydd Mawrth 26 a Dydd Iau 28 Ebrill: 10.30 – 12.30

Mae'r byd wedi newid yn ystod y ddwy flynedd diwethaf ac felly hefyd y ffordd yr ydym yn ymgysylltu â'n preswylwyr / tenantiaid. Yn ddifwriad, rydym yn aml yn gosod rhwystrau sy'n atal ein tenantiaid a'n preswylwyr rhag cymryd rhan yn y digwyddiadau rydyn ni'n eu cynllunio i'w cynnwys nhw!

Bydd y 2 x sesiwn hyfforddi hanner diwrnod hyn yn canolbwyntio ar yr hyn y gallwn ei wneud fel unigolion a sefydliadau i osgoi creu rhwystrau ac i'w gwneud hi'n haws i'n tenantiaid / preswylwyr, pwy bynnag ydyn nhw, i gymryd rhan.

Rhennir y cwrs hwn dros ddau fore:

Sesiwn 1:  Byddwn yn edrych ar y theori ynghylch ymgysylltu cynhwysol.

• Archwilio buddion cyfranogiad ac ymgysylltiad
• Nodi rhwystrau i ymgysylltu â thenantiaid a phreswylwyr o grwpiau ‘angen eu cyrraedd’.
• Cydnabod sut i osgoi neu ddileu rhwystrau i gyfranogiad ac ymgysylltiad

Sesiwn 2: Rhoi'r theori ar waith

• Dylunio cyfleoedd ar gyfer cyfranogiad / ymgysylltiad cynhwysol
• Ymarfer rhai dulliau gwahanol o adolygu gweithgareddau
• Mynd â rhywfaint o ddysg ac arfer da i ffwrdd efo chi

Datblygwyd y cwrs hwn fel partneriaeth rhwng Tai Pawb a TPAS Cymru gan ddefnyddio arbenigedd a rennir o’r ddau sefydliad. Mae'r cwrs wedi'i gynllunio i adlewyrchu arfer da a bydd yn cael ei ddarparu gan hyfforddwyr profiadol o'r ddau sefydliad.

Mae’r sesiwn yn addas ar gyfer unrhyw un sydd â diddordeb mewn bod yn fwy cynhwysol wrth ymgysylltu â thenantiaid a phreswylwyr.

Noder – ar ôl i chi gofrestru gan trwy'r ddolen hon byddwch yn derbyn cadarnhad e-bost gyda'r ddolen ymuno yn uniongyrchol gan Zoom ([email protected]) Nid yw'r ddolen ymuno yn dod o gyfeiriad e-bost TPAS Cymru felly efallai y bydd angen i chi wirio eich blychau e-bost sbam / sothach. Mae'r e-bost gyda dolen ymuno hefyd yn rhoi cyfle i chi arbed y manylion i galendr electronig, fel Outlook