5 ffordd i ymgysylltu â thenantiaid yn y rheol peryglon SATC newydd

Dydd Iau, 12 Mawrth: 12noon – 1pm

Ymunwch â ni i ddarganfod sut y dylai landlordiaid cymdeithasol yng Nghymru gynnwys Tenantiaid yn y Rheol Peryglon newydd bwysig hon.

Mae Llywodraeth Cymru wedi cyflwyno diweddariad sylweddol i Safon Ansawdd Tai Cymru (SATC), gyda Rheol Peryglon newydd sy'n gosod disgwyliadau ac amserlenni clir ar gyfer ymchwilio i beryglon a'u cywiro, gan gynnwys lleithder a llwydni.

I landlordiaid cymdeithasol ledled Cymru, bydd hyn yn golygu mwy na newid cydymffurfio. Mae'n symudiad tuag at fwy o atebolrwydd ac arfer sy'n canolbwyntio ar y tenant, empathi a dealltwriaeth o anghenion pobl.

Bydd y sesiwn gyflym hon yn archwilio ffyrdd ymarferol o feithrin ymgysylltiad ystyrlon â thenantiaid i gefnogi cydymffurfiaeth â'r Rheol newydd, gan eich helpu i ddarparu cartrefi diogel ac iach i bawb..

Byddwn yn edrych ar sut a pham y dylai landlordiaid cymdeithasol ymgysylltu â thenantiaid o ran:

• Cyd-ddylunio cyfathrebiadau sy'n cadw tenantiaid yn wybodus ac yn dawel eu meddwl
• Llunio prosesau adrodd a gwasanaeth, fel bod gweithdrefnau'n adlewyrchu profiadau go iawn ac yn cefnogi cartrefi mwy diogel ac iachach
• Dylunio dulliau rhagweithiol, sy'n canolbwyntio ar y person, o ran asesu ac ymateb i risgiau, fel datblygu cwestiynau triagio effeithiol

Mae'r sesiwn hon AM DDIM ac ar gyfer sefydliadau sy'n aelodau o TPAS Cymru yn unig.

Peidiwch â cholli'r cyfle hwn i archwilio ffyrdd ymarferol o symud y tu hwnt i gydymffurfiaeth adweithiol a chreu ymgysylltiad ystyrlon â thenantiaid sy'n cefnogi disgwyliadau LlC a gwerthoedd eich sefydliad.

Mae'r fforwm hwn wedi'i gynllunio ar gyfer staff sydd â chyfrifoldeb am feysydd cysylltiedig fel ymgysylltu â thenantiaid, rheoli asedau, cydymffurfio, atgyweiriadau, cwynion a gwella gwasanaethau AC mae'n addas ar gyfer Tenantiaid.

Cost - RHAD AC AM DDIM i sefydliadau sy'n aelodau o TPAS Cymru yn unig

Bydd y sesiwn yn cael ei hwyluso gan David Lloyd, Cyfarwyddwr Rhaglen, TPAS Cymru

• Gweminar ar-lein dros Zoom fydd hon

Archebwch eich lle drwy'r ddolen Zoom yma

Noder – Unwaith y byddwch wedi archebu drwy ddefnyddio'r ddolen hon byddwch yn derbyn cadarnhad e-bost gyda'r ddolen ymuno yn uniongyrchol gan Zoom ([email protected]) Nid yw'r ddolen ymuno yn dod o gyfeiriad e-bost TPAS Cymru felly efallai y bydd angen i chi wirio'ch blychau e-bost sbam / sothach. Mae'r e-bost gyda dolen ymuno hefyd yn rhoi'r cyfle i chi gadw'r manylion i galendr electronig, fel Outlook.