Bregusrwydd Defnyddwyr mewn Tai – Beth ydyw? A Sut gall landlordiaid cymdeithasol ei atal?

Dydd Mawrth 8 Gorffennaf 2025 - 10:30-12:00pm

Mae tenantiaid yn ‘ddefnyddwyr’ amrywiaeth o wasanaethau a ddarperir gan eu landlord, fel atgyweiriadau, cyngor ariannol a rheoli tai, ond a all pob tenant gael mynediad hawdd at y gwasanaethau hyn pan fydd angen?

Ymunwch â ni ar gyfer y gweithdy byr ar-lein AM DDIM hwn gan Consumer Friend, sydd â'r nod o gefnogi defnyddwyr a busnesau fel ei gilydd i sicrhau bod gwybodaeth, cyngor ac addysg yn syml ac yn hygyrch i bawb.

Bydd y sesiwn yn archwilio ‘bregusrwydd defnyddwyr’ mewn tai – beth ydyw, yr achosion a sut y gall landlordiaid cymdeithasol gynorthwyo pob tenant drwy greu gwasanaeth cynhwysol sy’n cefnogi pob math o fregusrwydd defnyddwyr.

1. Beth yw bregusrwydd defnyddwyr?
2. Beth yw achosion posibl bregusrwydd defnyddwyr mewn tai?
3. I'ch helpu i ddeall sut y gallech chi nodi a gweithio gyda defnyddwyr i gael y canlyniad gorau iddyn nhw.
4. Awgrymiadau ymarferol ar sut i gefnogi defnyddwyr.
5. Y cyfle i fyfyrio ar brosesau cyfredol.

Mae'r sesiwn yn addas ar gyfer: staff, tenantiaid, aelodau'r bwrdd

Mae'r sesiwn yn RHAD AC AM DDIM ac yn arbennig ar gyfer aelodau TPAS Cymru

Noder – Unwaith y byddwch wedi archebu drwy ddefnyddio'r ddolen hon byddwch yn derbyn cadarnhad e-bost gyda'r ddolen ymuno yn uniongyrchol gan Zoom ([email protected]) Nid yw'r ddolen ymuno yn dod o gyfeiriad e-bost TPAS Cymru felly efallai y bydd angen i chi wirio'ch blychau e-bost sbam / sothach. Mae'r e-bost gyda dolen ymuno hefyd yn rhoi'r cyfle i chi gadw'r manylion i galendr electronig, fel Outlook