Rhwydwaith Anabledd

Dydd Mercher 26 Mai 2021 – 11am – 12.30pm

Dewch i'n rhwydwaith anabledd i rannu arfer da, gofyn cwestiynau a cheisio cyngor mewn perthynas ag ymgysylltu â thenantiaid.

Ein siaradwr gwadd yn y Rhwydwaith Anabledd hwn yw Dr. Steffan Evans, o Sefydliad Bevan. Bydd Steffan yn canolbwyntio'n benodol ar y cysylltiadau rhwng anabledd a thlodi.

Mae pandemig Covid 19 wedi datgelu dyfnder yr anghydraddoldeb a oedd eisoes yn bodoli yn ein cymdeithas fel erioed o'r blaen. Mae pobl sy'n byw mewn tlodi wedi bod mewn mwy o berygl o fynd yn sâl ac yn fwy tebygol o gael eu heffeithio gan effaith economaidd y cyfnod clo. Mae bron i hanner yr holl bobl sy'n byw mewn tlodi yng Nghymru naill ai'n anabl eu hunain neu ag aelod teulu sy'n anabl. Ymunwch â ni i ddysgu mwy am y rhesymau dros hyn ac i rannu rhai o'ch syniadau am yr hyn y gellir ei wneud i fynd i'r afael â thlodi. 

Cost: Aelodau - £29;  Pawb arall - £49

I archebu eich lle, cliciwch ar y ddolen gofrestru Zoom yma: https://us02web.zoom.us/meeting/register/tZAtdO-rrDIiGNFuYvdJl6PmPSHi6zJPOZnC

Polisi Canslo - ar gyfer digwyddiadau ar-lein â thâl

• Rhaid i bob canslad gael ei wneud trwy e-bost at [email protected]  Os byddwch chi'n canslo'ch lle llai na 2 ddiwrnod gwaith cyn y digwyddiad ar-lein, byddwch chi'n gorfod talu'r gost lawn.
• Os na allwch fynychu, gallwch anfon cynrychiolydd arall heb unrhyw gost ychwanegol. Rhaid rhoi gwybod i [email protected] am hyn
• Os na fyddwch yn mynychu sesiwn ar-lein â thâl, codir cost lawn arnoch.
• Ar ôl i ni dderbyn eich canslad, byddwn yn anfon cadarnhad o'ch canslad atoch.

Hawl TPAS Cymru i Ganslo

Ein nod yw sicrhau bod pob digwyddiad ar-lein yn rhedeg yn ôl y bwriad. Fodd bynnag, efallai y bydd adegau pan fydd yn rhaid i ni ganslo digwyddiad oherwydd amgylchiadau y tu hwnt i'n rheolaeth. Os digwydda hyn, byddwn yn rhoi cymaint o rybudd â phosibl i chi. Os ydych eisoes wedi talu am y digwyddiad a ganslwyd byddwn yn rhoi ad-daliad llawn i chi. Pe byddem yn cynnal y digwyddiad eto, byddwn yn rhoi blaenoriaeth i chi