Rhwydwaith swyddogion

Cynhelir y rhwydweithiau swyddogion bob chwarter ac fel arfer maent yn cael eu cynnal yng ngogledd a de Cymru, ac yn cael eu cyfyngu i aelodau yn unig. Codir ffi nominal i dalu costau lluniaeth.

Mae digwyddiad Rhwydwaith Swyddogion Aelodau TPAS Cymru yn rhoi cyfle i swyddogion ddal i fyny â staff eraill o’r un anian, i gael gwybod beth sy'n digwydd yn lleol ac ymhellach i ffwrdd, i rannu gwybodaeth ac arfer da yn ogystal â thrafod heriau a materion cyfredol. Yn aml, bydd y rhwydwaith yn cynnwys siaradwr allanol yn sôn am bwnc penodol perthnasol cyfredol.

Rydym yn ymfalchïo mewn hwyluso'r digwyddiadau hyn ac mae'r adborth yn gadarnhaol iawn. Mae’r lleoedd yn llenwi'n gyflym.

ARhwydwaith Tai Cymru Gyfan Awdurdodau Lleol: Cyfranogiad Preswylwyr

Mae Awdurdodau Lleol yn rhan allweddol o dai cymdeithasol a theimla TPAS Cymru nad yw'n cael yr un sylw â mathau eraill o Dai Cymdeithasol. Rydym eisiau newid hynny. Mae yna bob amser rhai newidiadau neu heriau mawr i’w trafod a dywed aelodau ei fod yn fuddiol iawn canolbwyntio ar Awdurdodau Lleol yn unig.

Mae hefyd yn rhoi cyfle i gynrychiolwyr rwydweithio a rhannu eu profiadau o gynnwys preswylwyr, arfer da a gwelliannau i wasanaethau a gyflawnwyd. Cynhelir y rhwydwaith yn flynyddol ar hyn o bryd, a chafodd dderbyniad da iawn y llynedd gan yr holl gynrychiolwyr a fynychodd.

Rhwydwaith Anabledd

Mae'n gyfle i ddwyn ynghyd tenantiaid anabl, gofalwyr, aelodau o'r teulu a staff sy'n gweithio gyda thenantiaid anabl, o bob rhan o Ogledd a De Cymru i rannu profiadau, llwyddiannau a gwersi a ddysgwyd.

Mae’r digwyddiad yn sesiwn anffurfiol a chyfranogol a gaiff ei hwyluso, sy’n aml gyda siaradwyr gwadd yn rhannu'r datblygiadau diweddaraf sy'n gysylltiedig ag anabledd a thai cymdeithasol yng Nghymru.

  Beth a ddywedodd tenantiaid am y digwyddiad.