Sut i gael y gorau o MS Teams ar gyfer eich cyfarfodydd a'ch digwyddiadau ar-lein

Dydd Mercher 9 Mehefin: 10.30am – 12.30pm

Ymunwch â ni ar gyfer y sesiwn hyfforddi Microsoft Teams newydd sbon hon, lle byddwn yn eich helpu i gael y gorau o Teams wrth drefnu a chynnal cyfarfod neu ddigwyddiad dros Teams.

Yn y sesiwn hon byddwn yn esbonio sut i gynnal digwyddiad Teams o'r cyfnod sefydlu hyd at y camau dilynol. Byddwn yn archwilio'r gwahanol swyddogaethau y gallwch eu defnyddio ar gyfer eich cyfarfod a byddwn yn rhannu unrhyw awgrymiadau a thriciau eraill ar Teams a fydd yn eich helpu i gynnal y cyfarfod ar-lein gorau posibl!

Mae'r digwyddiad hwn yn addas i unrhyw un sy'n ymwneud â chynllunio neu gynnal cyfarfodydd neu ddigwyddiadau ar-lein dros Teams - Staff, gwirfoddolwyr cymunedol ac unrhyw un sydd â diddordeb mewn dysgu am Teams.(bydd yn ymwneud yn benodol â chynnal cyfarfod ar-lein yn hytrach na bod yn fynychwr).

Cost: £59 (Aelodau);  £89 (Pawb Arall)

I gofrestru ar gyfer y digwyddiad hwn, archebwch trwy'r system archebu ar-lein isod. Anfonir dolen i ymuno â'r sesiwn hyfforddi atoch maes o law.

Polisi Canslo - ar gyfer digwyddiadau ar-lein â thâl

• Rhaid i bob canslad gael ei wneud trwy e-bost at [email protected]  Os byddwch chi'n canslo'ch lle llai na 2 ddiwrnod gwaith cyn y digwyddiad ar-lein, byddwch chi'n gorfod talu'r gost lawn.
• Os na allwch fynychu, gallwch anfon cynrychiolydd arall heb unrhyw gost ychwanegol. Rhaid rhoi gwybod i [email protected] am hyn
• Os na fyddwch yn mynychu sesiwn ar-lein â thâl, codir cost lawn arnoch.
• Ar ôl i ni dderbyn eich canslad, byddwn yn anfon cadarnhad o'ch canslad atoch.

Hawl TPAS Cymru i Ganslo

Ein nod yw sicrhau bod pob digwyddiad ar-lein yn rhedeg yn ôl y bwriad. Fodd bynnag, efallai y bydd adegau pan fydd yn rhaid i ni ganslo digwyddiad oherwydd amgylchiadau y tu hwnt i'n rheolaeth. Os digwydda hyn, byddwn yn rhoi cymaint o rybudd â phosibl i chi. Os ydych eisoes wedi talu am y digwyddiad a ganslwyd byddwn yn rhoi ad-daliad llawn i chi. Pe byddem yn cynnal y digwyddiad eto, byddwn yn rhoi blaenoriaeth i chi.