Ymgysylltu cynhwysol - gwneud pethau'n iawn mewn byd newydd

Dydd Mawrth 6 a Dydd Iau 8 Gorffennaf: 10.30 – 12.30

Mae'r byd wedi newid yn ystod y 18 mis diwethaf ac felly hefyd y ffordd yr ydym yn ymgysylltu â'n preswylwyr / tenantiaid. Yn ddifwriad,  rydym yn aml yn gosod rhwystrau sy'n atal ein tenantiaid a'n preswylwyr rhag cymryd rhan yn y digwyddiadau rydyn ni'n eu cynllunio i'w cynnwys nhw!

Bydd y 2 x sesiwn hyfforddi hanner diwrnod hyn yn canolbwyntio ar yr hyn y gallwn ei wneud fel unigolion a sefydliadau i osgoi adeiladu rhwystrau ac i'w gwneud hi'n haws i'n tenantiaid / preswylwyr, pwy bynnag ydyn nhw, i gymryd rhan..

Rhennir y cwrs hwn dros ddau fore:

Sesiwn 1:  Byddwn yn edrych ar y theori ynghylch ymgysylltu cynhwysol.

• Archwilio buddion cyfranogiad ac ymgysylltiad
• Nodi rhwystrau i ymgysylltu â thenantiaid a phreswylwyr o grwpiau ‘angen eu cyrraedd’.
• Cydnabod sut i osgoi neu ddileu rhwystrau i gyfranogiad ac ymgysylltiad

Sesiwn 2: Rhoi'r theori ar waith

• Dylunio cyfleoedd ar gyfer cyfranogiad / ymgysylltiad cynhwysol
• Ymarfer rhai dulliau gwahanol o adolygu gweithgareddau
• Mynd â rhywfaint o ddysg ac arfer da i ffwrdd efo chi

Datblygwyd y cwrs hwn fel partneriaeth rhwng Tai Pawb a TPAS Cymru gan ddefnyddio arbenigedd a rennir y ddau sefydliad. Mae'r cwrs wedi'i gynllunio i adlewyrchu arfer da a bydd yn cael ei ddarparu gan hyfforddwyr profiadol o'r ddau sefydliad.

Cost i fynychu’r ddau sesiwn:

£49 i aelodau TPAS Cymru / Tai Pawb;   £69 pawb arall

I archebu eich lle ar gyfer y sesiwn gyntaf Dydd Mawrth 6 Gorffennaf, cofrestrwch trwy glicio ar y ddolen Zoom yma: https://us02web.zoom.us/meeting/register/tZEsdeihpz0tHdExhL9TtoPKj7UsBlxaudFq

I archebu eich lle ar gyfer y sesiwn gyntaf Dydd Iau 8 Gorffennaf, cofrestrwch trwy glicio ar y ddolen Zoom yma: https://us02web.zoom.us/meeting/register/tZUqcOipqTkjGNAey4wvgLrDmtXNm0XtAqiG

Polisi Canslo - ar gyfer digwyddiadau ar-lein â thâl

• Rhaid i bob canslad gael ei wneud trwy e-bost at [email protected]  Os byddwch chi'n canslo'ch lle llai na 2 ddiwrnod gwaith cyn y digwyddiad ar-lein, byddwch chi'n gorfod talu'r gost lawn.
• Os na allwch fynychu, gallwch anfon cynrychiolydd arall heb unrhyw gost ychwanegol. Rhaid rhoi gwybod i [email protected] am hyn
• Os na fyddwch yn mynychu sesiwn ar-lein â thâl, codir cost lawn arnoch.
• Ar ôl i ni dderbyn eich canslad, byddwn yn anfon cadarnhad o'ch canslad atoch.

Hawl TPAS Cymru i Ganslo

Ein nod yw sicrhau bod pob digwyddiad ar-lein yn rhedeg yn ôl y bwriad. Fodd bynnag, efallai y bydd adegau pan fydd yn rhaid i ni ganslo digwyddiad oherwydd amgylchiadau y tu hwnt i'n rheolaeth. Os digwydda hyn, byddwn yn rhoi cymaint o rybudd â phosibl i chi. Os ydych eisoes wedi talu am y digwyddiad a ganslwyd byddwn yn rhoi ad-daliad llawn i chi. Pe byddem yn cynnal y digwyddiad eto, byddwn yn rhoi blaenoriaeth i chi.