Cefnogaeth a chyngor i denantiaid rhentu preifat yng Nghymru

Yn yr erthygl hon, rwy'n adolygu cefnogaeth swyddogol ac answyddogol i denantiaid preifat yng Nghymru gan gynnwys trosolwg o grwpiau cymorth a chyngor Tenantiaid ar Facebook.

Nid yw wastad yn hawdd cymryd cyngor gan eraill, yn aml nid ydym yn gwybod beth sy'n gywir neu ddim, dyma pam rydym am sicrhau bod tenantiaid preifat yn gwybod ble i fynd i am y cyngor cywir a mwyaf defnyddiol o ran eu heiddo a'u profiad rhentu.

Gall bod yn denant preifat fod yn hynod frawychus, p'un ai hwn yw'r tŷ cyntaf i chi ei rentu erioed neu'r pumed. Mae pob tŷ, pob landlord a phob cwmni rhentu yn wahanol, ond yr hyn sy'n aros yr un peth yw'r cytundeb tenantiaeth landlordiaid sylfaenol yng Nghymru.

Hefyd mae tai yng Nghymru yn cael ei lywodraethu gan ddeddfau gwahanol iawn i Loegr, ac yn aml iawn, mae'r cyngor a welwch ar gyfer y DU mewn gwirionedd ar gyfer Lloegr yn unig. Dros yr 20 mlynedd o ddatganoli yng Nghymru, mae cyfraith a chanllawiau tai wedi esblygu’n sylweddol i le, lle credwn fod hawliau ychydig yn well i denantiaid yng Nghymru o gymharu â’n cymdogion dros y ffin.

Mae yna risgiau o gael cyngor ar gyfryngau cymdeithasol felly yn gyntaf mae angen i chi ystyried yr arbenigwyr: 

1. Mae Shelter Cymru yn sefydliad gwych ar gyfer gwybod eich hawliau fel tenant a chael cyngor neu gefnogaeth arbenigol, o ansawdd. Cenhadaeth Shelter Cymru yw darparu cyngor tai arbenigol, annibynnol am ddim wrth iddynt ymgyrchu i oresgyn y rhwystrau sy'n sefyll yn ffordd pobl yng Nghymru rhag cael cartref gweddus, diogel. Maent yn cynnig nifer o ffyrdd i siarad â nhw trwy linellau cymorth, adnoddau gwefan a chymorth e-bost. Yr unig beth rwy’n teimlo sydd ar goll yw unrhyw adnodd ‘cyngor blaenorol’, lle efallai y byddwch yn dod o hyd i’r ateb i’ch mater heb orfod cyflwyno ffurflen na’u galw. https://sheltercymru.org.uk/get-advice/
2. Mae Cyngor ar Bopeth Cymru hefyd yn rhoi cefnogaeth a chyngor da i denantiaid. Mae Cyngor ar Bopeth yn credu ei bod yn hynod o bwysig i denantiaid wybod eu hawliau a'u cyfrifoldebau, neu sut i drin sefyllfa lle gallent gael eu bygwth â chael eu troi allan, angen cyngor ar ddod o hyd i le i fyw neu drin problemau â'u landlordiaid. Eu llinell ffôn am ddim yw 0808 278 7920. Maent hefyd wedi creu llinell benodol i gynorthwyo pobl mewn caledi o ganlyniad i Coronafeirws. 0300 330 2177

Noder: i ddysgu mwy am Gyngor ar Bopeth Cymru beth am wylio TPAS Cymru yn cyfweld â nhw. Cliciwch yma i weld    

3. Rhentu Doeth Cymru yw'r awdurdod trwyddedu swyddogol ar gyfer Landlordiaid yng Nghymru. Mae ganddo adnoddau ar gyfer tenantiaid  a dywedwyd wrthyf eu bod am ailwampio'r cynnwys cyngor a chanllawiau i denantiaid www.rentsmart.gov.wales/en/tenant/

Maent yn hyrwyddo hyn:‘Os oes gennych bryderon am ymddygiad eich landlord neu asiant sydd wedi’i drwyddedu gan Rhentu Doeth Cymru, gallwch roi gwybod i ni drwy ein  ac fe ymchwiliwn i’r mater.”

Yn ogystal â defnyddio'r adnoddau uchod mae sefydliad undeb tenantiaid ar gyfer rhentwyr preifat, o'r enw Acorn. https://acorntheunion.org.uk/ Maent yn codi ffioedd misol i fod yn aelod ac yn derbyn cyngor a chefnogaeth yn ôl yr angen. Mae Acorn yn ymgyrchu dros hawliau tenantiaid. Mae Acorn yn ymgyrchu dros waharddiad troi allan parhaol, ataliadau rhent yn ystod argyfwng, cydraddoldeb i letywyr a mwy. Mae'r ffi aelodaeth yn seiliedig ar eich incwm eich hun, er mwyn galluogi ystod ehangach o rentwyr i ymuno.

Felly beth am y Cyfryngau Cymdeithasol?

Mae yna nifer o grwpiau trafod ar Facebook sy'n cynnig cyngor gan denantiaid eraill sydd wedi profi'r un materion, neu weithwyr proffesiynol sy'n rhan o'r grŵp eu hunain. Mae ochrau da a drwg i'r grwpiau hyn gan eu bod yn cael eu rhedeg ar gyfer tenantiaid gan denantiaid, yn hytrach na eiriolwyr cymwys a all arwain at gyngor sy'n gwrthdaro. Fodd bynnag, ar y cyfan gellir eu gweld yn ddefnyddiol, yn ddibynadwy ac yn gyfeillgar. Cofiwch fod yna ddeddfwriaeth wahanol ledled Cymru, yr Alban, Lloegr a Gogledd Iwerddon felly gall peth o'r cyngor fod yn gywir neu beidio, neu gallai fod yn berthnasol i 1 genedl yn unig ond nid i wlad arall.

 

Er mwyn helpu tenantiaid, roeddem am adolygu grwpiau cyngor tai ar Facebook er mwyn i denantiaid tai preifat wybod pa mor ddibynadwy yw pob tudalen.

Facebook: Hawliau Tenantiaid

Mae'r grŵp Facebook Hawliau Tenantiaid yn cynnwys 771 o aelodau. Mae'r dudalen yn weithgar iawn gyda sawl post trwy gydol y dydd, a sylwadau cyflym yn gyson ar y dudalen sy'n cynnig help i denantiaid sy'n gofyn am gyngor. Mae gan y dudalen hon broblem gan fod ei aelodau yn fyd-eang, felly gall y cyngor y mae aelodau'r grŵp yn ei dderbyn fod yn anghywir weithiau, gan fod aelodau yn aml o America lle mae'r rheolau / deddfau yn wahanol. Fodd bynnag, mae'r grŵp ar y cyfan yn gyfeillgar ac anffurfiol iawn, ac efallai na fydd wastad yn ddefnyddiol ar fater cyfreithiol penodol i'r holl aelodau.

Facebook: Tai Teg a Hawliau Rhentwyr

Mae'r dudalen Tai Teg a Hawliau Rhentwyr yn cynnwys 866 aelod. Nid yw'r dudalen wastad yn weithredol yn ddyddiol, ond pan mae'n weithredol, mae'r atebion i gwestiynau sy'n cynnig help bob amser yn gyflym ac yn ddefnyddiol. Mae gan y grŵp hwn yr un broblem sef mae'r aelodau yn fyd-eang felly gall y cyngor a gynigir fod yn anghyson, sydd ddim wastad yn ddefnyddiol i denantiaid Cymru sy'n ceisio cyngor ar unwaith.

Facebook: Help a Chyngor i Denantiaid Preifat yn y DU

Mae gan y grŵp Facebook hwn 4.2k o aelodau. Mae'r dudalen yn hynod weithgar gyda'r aelodau'n postio cwestiynau sawl gwaith y dydd, gyda sylwadau cyflym yn cael eu postio hefyd. Mae gan y grŵp hwn aelodau proffesiynol sydd wedi gweithio yn y maes tai ac sydd â lefel dda o brofiad, felly mae hyn yn ei gwneud yn fwy o ffynhonnell wybodaeth a chyngor dibynadwy i denantiaid. Er gwaethaf cael aelodau proffesiynol, mae naws gyffredinol y grŵp yn hamddenol ac yn gyfeillgar, yn y postiadau a'r sylwadau. Fodd bynnag, mae yna gwynion y gall yr ymatebion i sylwadau fod o natur jôc weithiau, ac mae yna adran o bosteri gwrth-landlord â barn gref iawn felly er gwaethaf y ffaith bod pobl broffesiynol yn aelodau o'r grŵp, gall gwybodaeth fod yn gamarweiniol neu'n negyddol amlwg, er ar y cyfan mae sylwadau'n ddefnyddiol.

Rydym hefyd wedi sylwi ar bostiadau fel hyn a oedd yn ymwneud â gweithredwyr gwrth-landlordiaid.

Facebook: Cymorth a Chyngor Tenantiaid a Landlordiaid y DU

Mae Cymorth a Chyngor Tenantiaid a Landlordiaid y DU yn cynnwys 2.5k o aelodau. Mae'n weithredol bob dydd gydag ymatebion cyflym a defnyddiol i gwestiynau a ofynnir yn y grŵp. Mae naws y grŵp hwn yn fwy proffesiynol na'r gweddill, ond mae ganddo natur gyfeillgar yn ei ymatebion o hyd. Yr anfantais i'r grŵp hwn yw bod hysbysebion yn cael eu postio'n rheolaidd, ac efallai na fydd aelodau eisiau eu gweld gan eu bod yno i gael cyngor, nid i brynu pethau.

Felly beth am y Genedl yn benodol - Yr Alban a Gogledd Iwerddon?

Ni allwn ddod o hyd i unrhyw beth a oedd yn gefnogaeth rhentwyr preifat penodol ac yn hunangymorth ond yn hapus i ddiweddaru'r erthygl hon os yw darllenwyr yn gwybod am unrhyw rai. Mae yna dudalen Ffederasiwn Tenantiaid Caeredin, ond nid tudalen gyngor mohoni, ond gwefan newyddion / adnoddau cyfoes o straeon yn ymwneud â thai https://www.facebook.com/EdinburghTenant

Felly beth am Gymru?

Rydym yn gwybod y gall rhentwyr preifat o Gymru gael cyngor, ond tybed a oes:

Cwestiwn: A oes angen i grŵp hunangymorth gael ei greu sy'n benodol ar gyfer tenantiaid rhentu preifat Cymru?

1. A fyddai’n fwy defnyddiol gan y byddai’r cyngor a fyddai’n cael ei roi o fudd penodol i rentwyr preifat o Gymru?
2. Neu a yw'r problemau gyda landlordiaid anodd, lleithder a chodiad rhent yn faterion cyffredinol?
3. Mae gennym eisoes rai adnoddau cymorth sydd wedi'u hen sefydlu o ansawdd da fel Shelter, Cyngor ar Bopeth Cymru. A oes angen i'r sector hyrwyddo'r adnoddau hyn yn well?

Hoffwn glywed eich barn? Ydych chi'n meddwl bod angen grŵp cynghori rhentwyr preifat ar gyfer tenantiaid Cymru? A allech chi helpu gydag eraill i roi cynnig arni?  

[email protected]