Gwasanaethau ymgysylltu â'r gymuned a hwyluso annibynnol: ar-lein neu’n bersonol

Yma yn TPAS Cymru rydym wedi adeiladu hanes cadarn o ddarparu gwasanaethau a chyngor ymgysylltu â'r gymuned a hwyluso annibynnol o ansawdd uchel i sefydliadau ledled Cymru.

Dros y 12 mis diwethaf rydym wedi datblygu ein harbenigedd a sgiliau hwyluso ymhellach i wneud y mwyaf o gyfleoedd ar-lein gan ddefnyddio dulliau newydd a chyrraedd cynulleidfaoedd ehangach.

Rydym yn darparu hwyluso annibynnol, naill ai ar-lein neu'n bersonol, ar gyfer sesiynau cyhoeddus, rhanddeiliaid a chymunedol sy'n gwella ymgysylltiad ac yn helpu i sicrhau canlyniadau cadarnhaol. Gallwn helpu i ddylunio a hwyluso digwyddiadau neu gadeirio cyfarfodydd yn amrywio o sesiynau awr i weithdai diwrnod llawn.

Mae ein hwyluswyr yn brofiadol iawn, a gallwn ddarparu naill ai un hwylusydd neu amryw ohonynt, yn dibynnu ar yr amgylchiadau.

Gan ddefnyddio ystod o ddulliau ymgysylltu cyfranogol a sgiliau cyfathrebu a phobl ragorol, rydym yn arbenigo mewn gweithio gydag ystod o gynulleidfaoedd amrywiol gydag ystod o ddisgwyliadau ac anghenion i sicrhau canlyniadau y cytunwyd arnynt ar y cyd.

Gallwn hefyd ddarparu trwy gyfrwng Cymraeg a darparu cefnogaeth Iaith Arwyddion Prydain (BSL).

Rydym yn gallu hwyluso:

• Sesiynau gweithdy a chyfarfodydd
• Sesiynau ar-lein neu bersonol
• Prosesau sy'n cynnwys materion anodd, dadleuol neu sensitif
• Digwyddiadau unwaith yn unig neu gyfres o sesiynau

P'un a oes angen cymorth arnoch i hwyluso digwyddiad aml-randdeiliad mawr i nodi blaenoriaethau lleol, cyfres o grwpiau ffocws a gweithdai i ddatblygu syniad, neu rywun a all weithio gyda grŵp bach sy'n gwneud penderfyniad anodd, gallwn ddarparu cefnogaeth i chi.

Cysylltwch â ni - byddem wrth ein bodd yn rhoi mwy o fanylion i chi ar yr hyn a wnawn, a rhannu syniadau gyda chi [email protected]