Newyddion gwych – yr Ombwdsmon yn lansio ymchwiliad!

Heddiw lansiwyd ymchwiliad yr Ombwdsmon i:

1)    Sut mae cynghorau yng Nghymru yn penderfynu a yw rhywun yn ddigartref

2)    Beth mae'r cyngor wedi'i wneud i helpu pobl ddigartref yn ystod yr achosion o coronafirws

Mae gan Nick Bennett, Ombwdsmon Gwasanaethau Cyhoeddus Cymru bwerau cyfreithiol i ymchwilio i gwynion am wasanaethau cyhoeddus a darparwyr gofal annibynnol yng Nghymru. Gall hefyd ymchwilio i gwynion am doriadau mewn codau ymddygiad gan gyrff llywodraeth leol. Mae'n gwbl annibynnol ar holl gyrff y llywodraeth ac mae'n darparu gwasanaeth annibynnol. Rydym ni, yn TPAS Cymru wedi gweithio mewn partneriaeth â'r Ombwdsmon wrth i ni rannu'r un angerdd wrth sicrhau newid cadarnhaol.

Ar Fedi 1af, rhoddwyd pwerau newydd i'r Ombwdsmon yng Nghynllun Ombwdsmon Tai diwygiedig sy'n anelu at wella ymwybyddiaeth, hygyrchedd a chyflymu datrys cwynion. Rydym yn falch iawn bod yr ymchwiliad hwn i dai ar frig yr agenda. Gan fod risg mor uchel o bobl yn colli eu swyddi a'u hincwm, ni fyddai amser pwysicach i ysgogi gwella gwasanaethau.

Mae gan Lywodraeth Cymru gynllun graddol i ddod â digartrefedd i ben; gyda Landlordiaid Cymdeithasol Cofrestredig yn ymrwymo i beidio â throi allan i ddigartrefedd, croesewir ymrwymiad gan Awdurdodau Lleol i ddatrys y materion cyfredol sy'n ymwneud â digartrefedd ac i ysgogi newid go iawn yng Nghymru..

Dywedodd Nick Bennett, Ombwdsmon Gwasanaethau Cyhoeddus Cymru:

“Mae pobl ddigartref bob amser yn agored i niwed – ond yng nghanol pandemig -lle mae’r cartref yn cael ei ystyried yn amddiffyniad cyntaf, maen nhw mewn perygl arbennig.  Bwriad y pwerau a roddodd y Senedd i mi yw rhoi llais i’r di-lais. Mae’n anodd meddwl am grŵp mwy ymylol a di-lais ar hyn o bryd

“Mae cynllun graddol Llywodraeth Cymru i ddod â digartrefedd i ben yng Nghymru, ynghyd â’r ymrwymiad a ddangosodd Awdurdodau Lleol i geisio datrys y materion sy’n gysylltiedig â digartrefedd, yn cynrychioli gwir gyfle i greu Cymru fwy cyfartal ar gyfer cenedlaethau’r dyfodol.

“Ar ôl aros am hir i gael pwerau ymchwilio ar fy liwt fy hun, rwy’n awyddus i’w defnyddio mewn sefyllfa gyfoes i ysgogi gwelliant mewn gwasanaeth.”

Gweler yr ymgynghoriad yma https://www.ombwdsmon.cymru/ar-ei-liwt-ei-hun-ymgynghoriadau/?emergency=1