Arolygon Bodlonrwydd Tenantiaid – Sut wnaeth eich landlord?

Mae Llywodraeth Cymru wedi cyhoeddi ei harolwg diweddaraf ar fodlonrwydd tenantiaid landlordiaid cymdeithasol, sy'n edrych ar farn tenantiaid am eu cartrefi a'r gwasanaethau a ddarperir gan gymdeithasau tai a chynghorau ledled Cymru.

Mae'r arolwg yn defnyddio 12 cwestiwn safonol sy'n cwmpasu meysydd fel:

• ansawdd cartrefi'r tenantiaid
• atgyweiriadau a gwaith cynnal a chadw
• cymdogaethau
• rhent a taliadau gwasanaeth
• sut mae landlordiaid yn delio ag ymddygiad gwrthgymdeithasol
• a yw tenantiaid yn teimlo bod gwrandawiad yn cael ei roi iddynt
• cyfleoedd i gymryd rhan mewn gwneud penderfyniadau
• a yw tenantiaid yn teimlo bod ganddynt lais yn y ffordd y caiff gwasanaethau eu rheoli
• ymddiriedaeth yn eu landlord
• a yw cartrefi'n teimlo'n ddiogel ac yn sicr.

Daw'r canlyniadau o arolygon a gynhaliwyd gan landlordiaid cymdeithasol. Mae Llywodraeth Cymru yn cyhoeddi'r wybodaeth ond nid yw'n dilysu'r data, felly dylid ystyried y canlyniadau gyda pheth gofal.

Mae hefyd yn werth cofio nad yw pob landlord cymdeithasol yr un fath. Maent yn rheoli niferoedd a mathau gwahanol o gartrefi, mewn rhannau gwahanol o Gymru ac gyda grwpiau gwahanol o denantiaid. Mae hyn yn golygu nad yw cymharu canlyniadau rhwng landlordiaid bob amser yn rhoi'r darlun llawn. Defnyddiwyd dulliau gwahanol hefyd i gasglu'r data hwn; felly, mae'n fwy o sbardun i drafodaeth nag yn ffaith.

Mae'r arolwg yn rhoi darlun i ni o sut mae tenantiaid yn profi tai cymdeithasol ledled Cymru. Mae hefyd yn tynnu sylw at rai meysydd pwysig i landlordiaid eu hystyried, yn enwedig a yw tenantiaid yn teimlo bod pobl yn gwrando arnynt ac yn teimlo eu bod yn gallu dylanwadu ar benderfyniadau.

Defnyddiwyd yr un set o gwestiynau yn y blynyddoedd blaenorol, felly gellir edrych ar y canlyniadau dros amser hefyd.

Os ydych chi'n denant tai cymdeithasol, mae'r rhain yn gwestiynau defnyddiol i'w gofyn i'ch landlord chi hefyd: Ydyn nhw'n gwrando ar denantiaid? A oes gan denantiaid wir lais mewn penderfyniadau? A beth sy'n digwydd o ganlyniad i adborth gan denantiaid?

Gallwch ddarllen yr Arolwg Bodlonrwydd Tenantiaid landlordiaid cymdeithasol 2026 llawn ar wefan Llywodraeth Cymru yma