TPAS Cymru - Cael Clywed Llais y Tenantiaid yn 2023

Mae TPAS Cymru bob amser yn awyddus i sicrhau bod lleisiau tenantiaid yng Nghymru yn cael eu clywed: yn enwedig wrth edrych ar bolisïau tai.  Mae gan TPAS Cymru berthynas hirsefydlog gyda thenantiaid o bob rhan o Gymru ac mae’n cael ei weld fel Llais tenantiaid landlordiaid cymdeithasol. Mae ein Rhwydweithiau Tenantiaid ar-lein misol, ein tudalen Facebook tenantiaid a’n gwaith monitro cyfryngau cymdeithasol tenantiaid yn golygu bod gennym ein bys ar guriad yr hyn sy’n bwysig i denantiaid yng Nghymru, eu blaenoriaethau a’u pryderon. 

Byddwch i gyd yn gyfarwydd ag arolygon Llais y Tenantiaid ond isod mae rhai enghreifftiau eraill o sut mae TPAS Cymru wedi sicrhau bod Llais y Tenantiaid wedi cael ei glywed yn 2023. 

Dywedodd Mike Corrigan Llywodraeth Cymru: “Diolch yn fawr unwaith eto am roi’r cyfle i ni ymgynghori â’r Rhwydweithiau Tenantiaid yn ystod 2023. Roeddent yn sesiynau diddorol gan roi llawer o fewnwelediadau a barn tenantiaid pwysig i ni eu hystyried wrth i ni ddatblygu’r cynigion a amlinellir yn y Papur Gwyn Adeiladau Mwy Diogel yng Nghymru.”

Ym mis Ebrill cyhoeddodd TPAS Cymru erthygl am y wybodaeth a gasglwyd trwy sylwadau tenantiaid ar gyfryngau cymdeithasol a chan denantiaid a fynychodd Rhwydwaith Tenantiaid mis Mawrth a digwyddiadau eraill. Darllenwch yr erthygl lawn yma

Yn ystod y Rhwydwaith fe wnaethom ofyn rhai cwestiynau penodol i denantiaid ynghylch sut roedd eu rhenti wedi’u gosod ar gyfer blwyddyn ariannol 2023-2024. Roedd y rhain yn cynnwys cwestiynau am: 

• A ymgynghorwyd â nhw ynghylch lefel y Rhent?
• Pa wybodaeth a roddwyd iddynt am opsiynau cynyddu rhent a’r effaith bosibl ar y gwasanaeth yn sgil yr opsiynau hyn?

Yn ogystal â hyn, buom yn ymgynghori â thenantiaid ar ddau ymgynghoriad gan Lywodraeth Cymru. Un ar renti yn y sector tai preifat ac un yn y sector tai cymdeithasol. Cawsom 1500 o ymatebion i gyd a rhannwyd y canfyddiadau â’r Gweinidog i gefnogi ei meddwl am bolisi rhenti.