Cartrefi a Chymunedau Gogledd Cymru – cynhadledd ½ diwrnod

Dydd Mawrth, 7 Mawrth 2023: 9.30am (i gychwyn am 10am) – 1pm

Venue Cymru, Llandudno

Rydym yn gyffrous i gyhoeddi y bydd ein cynhadledd hanner diwrnod Cartrefi a Chymunedau - Gogledd Cymru yn cael ei chynnal yn Venue Cymru ar 7 Mawrth.

Mae’r digwyddiad anffurfiol ac addysgiadol rhad ac am ddim hwn ar gyfer staff a thenantiaid ac mae ar gyfer ein haelodau TPAS Cymru yn unig. Bydd yn gyfle gwych i glywed gan amrywiaeth o siaradwyr sy’n procio’r meddwl ac yn llawn gwybodaeth am yr hyn sy’n digwydd yng nghymunedau a thai gogledd Cymru. Bydd hefyd yn rhoi cyfle i chi rwydweithio gyda mynychwyr o landlordiaid cymdeithasol ar draws y rhanbarth.  Edrychwn ymlaen at eich gweld chi yno!

Ein siaradwyr yw… 

Comisiynydd Heddlu a Throsedd Gogledd Cymru - Andy Dunbobbin - Bydd Comisiynydd Heddlu a Throsedd Gogledd Cymru yn siarad am ei rôl a’i gyfrifoldebau a’r meysydd allweddol y disgwylir i’r Heddlu lleol eu cyflawni.  https://www.northwales-pcc.gov.uk/

Cymru Gynnes - Joanna Seymour -  Bydd Jo o Cymru Gynnes yn rhannu gwybodaeth am brosiectau cyfredol sy’n digwydd yng ngogledd Cymru, gyda’r nod o helpu i rymuso a galluogi trigolion i leihau eu biliau ynni i leihau’r tebygolrwydd o dlodi tanwydd, a’u galluogi a’u hannog i wella eu hiechyd a’u lles. https://www.warmwales.org.uk/

Mabon ap Gwynfor – AS, Cadeirydd y Grŵp Trawsbleidiol ar Dai, ac aelod o Bwyllgor Tai Llywodraeth Leol.    Bydd Mabon yn rhannu ei farn ar dai yng ngogledd Cymru ac yn rhoi trosolwg o’i rôl a’i gyfrifoldeb fel aelod o bwyllgor tai llywodraeth leol.   https://senedd.wales/people/mabon-ap-gwynfor-ms/

Noder: Cyfyngir y niferoedd ar gyfer y gynhadledd hon, felly er mwyn sicrhau bod lleoedd ar gyfer ein holl aelodau, rydym yn gyntaf yn caniatáu i 3 aelod o staff a 3 thenant o bob Landlord gadw lle.  Bydd y lleoedd hyn ar sail y cyntaf i’r felin: os oes gennym unrhyw leoedd sbâr yn nes at ddyddiad y digwyddiad byddwn yn eu hail-hysbysebu.   Lawrlwythwch, cwblhewch a dychwelwch y ffurflen archebu yma at [email protected] erbyn y dyddiad cau o 20 Chwefror.

Ni ddarperir cinio yn y digwyddiad hanner diwrnod yma. Hefyd, gofynnwch am ganiatâd gan eich Landlord os ydych eisiau hawlio costau teithio i’r digwyddiad hwn.