Cartrefi a Chymunedau Gogledd Cymru – cynhadledd ½ diwrnod 2024

MAE'R SESIWN HON YN AWR YN LLAWN

Dydd Mercher 20 Mawrth 2024 - 9.30am (i gychwyn am10am) – 1pm

Venue Cymru, Llandudno

Rydym yn gyffrous i gyhoeddi dyddiad ein hail gynhadledd hanner diwrnod Cartrefi a Chymunedau - Gogledd Cymru yn cael ei chynnal yn Venue Cymru ar 20 Mawrth.

Mae'r digwyddiad anffurfiol ac addysgiadol hwn y rhad ac am ddim i staff a thenantiaid ac mae ar gyfer ein haelodau TPAS Cymru yn unig. Dyma gyfle gwych i glywed gan amrywiaeth o siaradwyr sy’n procio’r meddwl ac yn llawn gwybodaeth am yr hyn sy’n digwydd yng nghymunedau a thai gogledd Cymru. Bydd hefyd yn rhoi cyfle i chi rwydweithio gyda thenantiid a staff o landlordiaid cymdeithasol ar draws y rhanbarth. 

Edrychwn ymlaen at eich gweld chi yno!

Siaradwyr wedi'u cadarnhau: 

• Mae Walis George iyn Gyn Brif Weithredwr Cymdeithas Tai sy’n frwd dros dai cymdeithasol a fforddiadwy a chynnal cymunedau Cymraeg eu hiaith. Bydd Walis yn sôn am gynigion ar gyfer Deddf Eiddo i Gymru a fydd, o’i gweithredu, yn helpu i reoleiddio’r farchnad agored, gan sicrhau digon o dai fforddiadwy.
• Bydd Robert Callow a Karen Owen o dîm Ymgysylltu Bwrdd Iechyd Prifysgol Betsi Cadwaladr yn rhannu eu gwybodaeth a’u profiad am bwysigrwydd clywed lleisiau’r boblogaeth yma yng Ngogledd Cymru sy’n defnyddio ein gwasanaethau iechyd. Clywch am y cyfleoedd ar sut y gallwch chi ddweud eich dweud i lywio darpariaeth gwasanaeth yn y dyfodol a darganfod beth sydd wedi newid o ganlyniad i gyfranogiad.
• Bydd Craig Sparrow, ClwydAlyn – yn siarad am ddatblygu cartrefi newydd fel landlord cymdeithasol gan gynnwys sut y cânt eu hariannu; y broses gynllunio; cyfathrebu â'r gymuned leol; y safonau adeiladu a bennwyd gan Lywodraeth Cymru a chartrefi carbon isel a chartrefi ynni effeithlon.
• Bydd Claire Shiland – Tai Gogledd Cymru a Martin Cooil - Cyngor Sir y Fflint yn rhannu eu gwybodaeth am yr hyn sy’n digwydd ym maes tai cymdeithasol yng ngogledd Cymru ar hyn o bryd.
• Gweledigaeth Sylfaen Bevan yw am Cymru deg, ffyniannus a chynaliadwy a’i nod yw creu mewnwelediadau, syniadau ac effaith sy’n rhoi terfyn ar dlodi ac anghydraddoldeb. Clywch am eu gwaith a'u prosiectau presennol yn y gogledd.

Noder: Cyfyngir y niferoedd ar gyfer y gynhadledd hon, felly er mwyn sicrhau bod lleoedd ar gyfer ein holl aelodau, rydym yn gyntaf yn caniatáu i 3 aelod o staff a 3 thenant o bob Landlord i gadw lle.  Bydd y lleoedd hyn ar sail y cyntaf i’r felin: os oes gennym unrhyw leoedd sbâr yn nes at ddyddiad y digwyddiad byddwn yn eu hail-hysbysebu.  

Ni ddarperir cinio yn y digwyddiad hanner diwrnod hwn.  Hefyd, gofynnwch am ganiatâd gan eich Landlord os ydych am hawlio costau teithio i’r digwyddiad hwn

MAE'R SESIWN HON YN AWR YN LLAWN