Ail-ymweld â’r ‘Pethau Iawn’

Dydd Mawrth, 15 Chwefror: 10.30 – 12pm

Mae nawr yn amser da i ailymweld ar ganfyddiadau adroddiad “Y Pethau Iawn” ac ailedrych ac asesu agwedd eich sefydliad at gyfranogiad tenantiaid. A yw eich sefydliad yn cael ‘Y Pethau Iawn’ yn iawn?

Mae adroddiad Bwrdd Rheoleiddiol Cymru (RBW) ‘Y Pethau Iawn - Clywed Llais Tenantiaid’ yn nodi themâu allweddol i landlordiaid cymdeithasol eu hadolygu i sicrhau bod eu hymagwedd at gynnwys tenantiaid yn gadarn ac yn cyflawni canlyniadau cadarnhaol. Bydd y cyfleoedd a nodir yn yr adroddiad hefyd yn rhan o’r Asesiad Rheoleiddiol ac mae’r adroddiad yn ddefnyddiol i denantiaid a defnyddwyr gwasanaeth wrth ddwyn eu landlord i gyfrif.

Yn ystod y gweithdy hanner diwrnod anffurfiol hwn byddwn yn archwilio prif themâu’r adroddiad i’ch helpu i nodi meysydd y mae angen i’ch sefydliad ganolbwyntio arnynt a chyfleoedd i’ch sefydliad gan gynnwys:  

• Pwrpas a Chanlyniadau cyfranogiad – felly beth!? dangos y gwahaniaeth y mae cyfranogiad yn ei wneud?
• Diwylliant Sefydliadol – creu diwylliant cadarnhaol, wedi’i arwain o’r brig, wedi’i adeiladu ar ymddiriedaeth a didwylledd a sicrhau bod y diwylliant yn cyd-fynd â dull cyfranogiad tenantiaid
• Gwrando a gweithredu – sut i'w wneud a dangos eich bod chi'n ei wneud?!
• Gwerth am Arian – a yw eich dull cyfranogi yn rhoi gwerth am arian a sut ydych chi'n gwybod hyn?