Cynhadledd Genedlaethol Undydd Creu Cymunedau Gwych

Sut gallwn ni barhau i greu cymunedau gwych yn ystod y cyfnod heriol presennol?

3 Gorffennaf 2024 – Gwesty Leonardo, canol dinas Caerdydd (*gweler ‘disgownt pellter’) 10.00am – 3.30pm. Darperir lluniaeth a chinio bwffe

Yn dilyn cynhadledd undydd lwyddiannus y llynedd, mae’n bleser gennym gyhoeddi’r rhaglen wych ar gyfer digwyddiad Creu Cymunedau Gwych eleni sy’n addas ar gyfer gwirfoddolwyr a staff.

Beth ydyw? Bydd y gynhadledd 1 diwrnod hanfodol hon yn edrych ar arfer gorau a dulliau gweithredu o ran ‘Creu Cymunedau Gwych’, yn enwedig yn ystod y cyfnod heriol presennol. Bydd yr amserlen orlawn yn cynnwys siaradwyr ysbrydoledig ac astudiaethau achos ymarferol go iawn o amrywiaeth o brosiectau a mentrau cymunedol gan gynnwys: grŵp o denantiaid a phreswylwyr a ddaeth ynghyd i wneud eu cymuned yn lle gwell i fyw; prosiect ‘Pontio’r Cenedlaethau’ sy’n helpu i adeiladu cymunedau cryfach; sut i ddatblygu cyd-ddealltwriaeth a dadansoddiad o sut mae systemau economaidd yn gweithio i adeiladu grym cymunedau a chreu newid economaidd; a phanel o arbenigwyr a fydd yn rhoi eu barn ar sut i adeiladu cymunedau gwych yn ystod y cyfnod heriol hwn.

Pwy ddylai fynychu? Mae’r digwyddiad blynyddol hwn yn hanfodol i landlordiaid cymdeithasol, preswylwyr, sefydliadau trydydd sector, gwirfoddolwyr cymunedol, asiantaethau statudol, elusennau, a grwpiau gwirfoddol, felly byddwch yn rhan ohono ac archebwch eich lle nawr.

Pam ddylwn i fynychu? Bydd y digwyddiad hwn yn ysgogi, yn ysbrydoli ac yn hysbysu pawb sy'n mynychu.

• Clywch gan siaradwyr craff ac amserol ar y syniadau diweddaraf.
• Cyfle i rwydweithio a chwrdd ag eraill sy'n gweithio mewn cymunedau ledled Cymru.
• Rhannu arfer gorau rhagorol ac astudiaethau achos ymarferol.

GWELER EIN RHAGLEN DDIWEDDARAF YMA (rhagor o siaradwyr i'w cyhoeddi)

Ymunwch â ni ar gyfer ein digwyddiad hamddenol ac anffurfiol, gyda ffocws mawr ar roi llawer o syniadau i chi fynd gyda chi a'r amser a'r lle i gwrdd ag eraill.

Noder:

• Mae lleoedd yn gyfyngedig i'n galluogi i gynnig cynllun ystafell arddull cabaret i helpu gyda'ch cysur a chyfleoedd rhwydweithio.
• Mae gennym *gostyngiad pellter arbennig ar y pris i'r archebion hynny gan sefydliadau sydd wedi'u lleoli 50 milltir neu fwy o'r lleoliad.
• Byddwn yn cynnal ein Seremoni Wobrwyo Arfer Da Blynyddol gyda’r nos ac felly mae opsiwn arbed i’r rhai sy’n dymuno mynychu’r ddau ddigwyddiad.  Rhagor o fanylion am ein Gwobrau yma

I gael manylion am opsiynau archebu, costau ac i archebu lle, lawrlwythwch a chwblhewch y ffurflen archebu hon. 

Telerau ac Amodau Canslo

• Nid yw’r prisiau yn cynnwys TAW
• Nid yw’r opsiynau yn cynnwys llety dros nos. Os ydych eisiau aros yn y gwesty, bydd angen i chi archebu hyn yn uniongyrchol â’r gwesty drwy ffonio 0292 078 5590
• Mae’r *disgownt pellter yn berthnasol i’r sefydliadau sydd wedi eu lleoli 50 milltir neu fwy i ffwrdd o’r lleoliad
• NI ALL TPAS Cymru dderbyn archebion dros dro.
• Mae angen cadarnhad ysgrifenedig ar gyfer pob canslad.  Bydd cansladau a dderbynnir cyn y dyddiad cau o 21 Mehefin 2024 yn cael eu had-dalu, minws ffi weinyddu o £30.00.  Ni fydd unrhyw ad-daliadau ar ôl y dyddiad hwn.
• Bydd cynrychiolwyr cofrestredig nad ydynt yn mynychu'r gynhadledd yn atebol i dalu yn llawn oni bai ein bod wedi derbyn cadarnhad ysgrifenedig erbyn y dyddiad canslo.
•  Bydd unrhyw newidiadau, megis enwau, a wneir i archebion ar ôl 21 Mehefin 2024 yn derbyn ffi weinyddol o £15.00 + TAW fesul newid. 
• Efallai y bydd rhaid i TPAS Cymru ganslo'r digwyddiad hwn. Yn yr achos yma, byddwn yn ad-dalu unrhyw daliadau a dderbyniwyd. Ni fyddwn yn ad-dalu unrhyw gostau y gallech fynd iddynt o ganlyniad i'r canslad.