Cartrefi sy’n addas i’r diben – gwreiddio hygyrchedd ac ymgysylltu â thenantiaid

26 Hydref 2022: 10 – 12.30pm

Bydd y seminar hwn a drefnir gan Tai Pawb a TPAS Cymru yn edrych ar enghreifftiau o arfer da o ran sut i sicrhau bod cartrefi a ddarperir gan ddarparwyr tai cymdeithasol yn diwallu anghenion hygyrchedd tenantiaid. Bydd yn cynnig cyfle i glywed am enghreifftiau ‘bywyd go iawn’ o sut i sicrhau bod cyfranogiad tenantiaid wrth wraidd darparu cartrefi sy’n addas i’r diben.

• Bydd Paul Clasby Cadeirydd Grŵp Monitro Barcud yn defnyddio ei brofiad eang o faterion anabledd i siarad am beth yw cyfranogiad tenantiaid da.
• Byddwn yn clywed gan gynrychiolydd awdurdod lleol ar ofynion newydd Llywodraeth Cymru i nodi ‘angen’ poblogaeth heddiw ac yn y dyfodol – a sut y gall hynny sicrhau newid cadarnhaol i bobl anabl.
• Yn ymuno â ni fydd Jillian Wadley, eiriolwr hirsefydlog ac ymroddedig dros ymgysylltu â thenantiaid cynhwysol. Daw Jill â’i phrofiad bywyd ei hun i’r bwrdd yn ogystal â’i gwaith gyda nifer o landlordiaid cymdeithasol yn eiriol dros gartrefi sy’n addas i’r diben.

Mae'r seminar hon yn bennaf ar gyfer uwch reolwyr, aelodau bwrdd a staff sy'n delio ag addasiadau a thai hygyrch ond mae croeso mawr i denantiaid hefyd!

Yn rhad ac am ddim i aelodau TPAS Cymru neu Tai Pawb

• Mae hwn yn weithdy ar-lein dros Zoom
• Ni fydd y sesiwn yn cael ei recordio

Archebwch eich lle drwy’r ddolen Zoom yma: https://us02web.zoom.us/meeting/register/tZ0kdu-qrT8pHdxvO9BnL57foegTI7q2nlFS

Noder – ar ôl i chi archebu drwy ddefnyddio'r ddolen hon byddwch yn derbyn cadarnhad e-bost gyda'r ddolen ymuno yn uniongyrchol gan Zoom ([email protected]) Nid yw'r ddolen ymuno yn dod o gyfeiriad e-bost TPAS Cymru felly efallai y bydd angen i chi wirio eich blychau e-bost sbam/sothach.  Mae'r e-bost gyda'r ddolen ymuno hefyd yn rhoi cyfle i chi gadw'r manylion i galendr electronig, fel Outlook