Pennu amserlenni i landlordiaid tai cymdeithasol ymateb i adroddiadau am beryglon sy’n cael effaith sylweddol ar iechyd - Ymgynghoriad Llywodraeth Cymru

Bord Gron ar gyfer Staff Awdurdod Lleol

Dydd Iau, 15 Mai 2025:  11am – 12:30pm

Gobeithiwn y byddwch yn gallu ymuno â ni ar gyfer y sesiwn ar-lein hon, yn benodol ar gyfer staff Tai Awdurdodau Lleol, i ddarganfod mwy am y cynigion sydd wedi’u cynnwys yn yr ymgynghoriad pwysig hwn gan Lywodraeth Cymru a rhannu eich barn i ddylanwadu ar ein hymateb.

Mae Llywodraeth Cymru ar hyn o bryd yn ymgynghori ar newidiadau arfaethedig i sicrhau bod landlordiaid cymdeithasol yn cymryd camau prydlon ar beryglon iechyd yn y cartref, gan gynnwys lleithder a llwydni. Mae’n cynnig amserlenni clir i landlordiaid ymchwilio i’r materion hyn a mynd i’r afael â nhw ar ôl iddynt gael eu hadrodd yn ogystal â mecanwaith adrodd i sicrhau tryloywder ac atebolrwydd.

Bydd TPAS Cymru yn ymateb i'r ymgynghoriad hwn, ac rydym yn awyddus i adlewyrchu barn ein sefydliadau sy'n aelodau o Dai Awdurdod Lleol. I gofrestru eich lle ar y sesiwn rhad ac am ddim hon gweler y manylion archebu isod.

Mae’r ymgynghoriad yn canolbwyntio ar gynnig ar gyfer pennu rheol a fydd yn rhan o SATC23 mewn perthynas ag ymateb landlordiaid cymdeithasol i leithder, llwydni a pheryglon eraill, fel y’i diffinnir yn y System Mesur Iechyd a Diogelwch ar gyfer Tai (HHSRS). Y bwriad yw y bydd y rheol yn ei gwneud yn ofynnol i bob landlord cymdeithasol gyhoeddi amseroedd ymateb ac adrodd ar berfformiad fel rhan o’r datganiad cydymffurfio â SATC.

Y nod yw gwella canlyniadau i denantiaid drwy osod disgwyliadau gwasanaeth clir sy’n gwella tryloywder ymatebion landlordiaid i leithder a llwydni a pheryglon eraill a sicrhau bod y wybodaeth ar gael i wella craffu ac atebolrwydd drwy gysylltu’r safonau â chydymffurfiaeth SATC23.

Ceir manylion llawn am yr ymgynghoriad yn y ddogfen hon gan Lywodraeth Cymru

Mae'r sesiwn hon ar gyfer staff o aelodau Awdurdod Lleol TPAS Cymru yn unig  

• Sesiwn ar-lein dros Zoom yw hwn
• Ni fydd y sesiwn yn cael ei recordio

Archebwch eich lle drwy'r ddolen Zoom yma