Trawsnewid Gwasanaethau Digidol – sesiwn bord gron ar gyfer staff

Dydd Mercher, 9 Tachwedd: 9:30am – 11:00am

Wrth i landlordiaid cymdeithasol barhau i geisio cynnig a symud gwasanaethau tai ar-lein, pa wasanaethau a llwyfannau ar-lein sy’n gweithio’n dda? Beth sydd heb weithio? A pha wasanaethau y mae tenantiaid am gael mynediad iddynt ar-lein?

Mae cael eich gwasanaethau digidol/ar-lein yn gywir yn hanfodol i sicrhau bod eich gwasanaethau yn gynhwysol, yn hawdd eu defnyddio, yn effeithiol ac yn ddiogel.

Ymunwch â ni ar gyfer ein sesiwn Bord Gron Trawsnewid Gwasanaethau Digidol cyntaf erioed i ganolbwyntio ar bwnc sy’n bwysicach nag erioed. Bydd y sesiwn ar-lein hon yn galluogi mynychwyr i rannu ymarfer a dysgu gan eraill. Yn ystod y digwyddiad hwn byddwn yn canolbwyntio ar themâu allweddol, gan gynnwys:

• Pa wasanaethau ar-lein sy'n boblogaidd gyda thenantiaid?
• Pa lwyfannau sy'n gweithio'n dda?
• Sut mae landlordiaid yn rheoli'r risgiau sy'n gysylltiedig â darparu gwasanaethau ar-lein a thrwy Ddeallusrwydd Artiffisial (AI)?
• Sut mae landlordiaid yn cynnwys tenantiaid wrth lunio a dylunio gwasanaethau digidol?
• Ble mae landlordiaid yn canolbwyntio eu datblygiadau gwasanaethau ar-lein / digidol yn y dyfodol

Bydd cyfleoedd i rannu dulliau gweithredu ac ymarfer gyda’r cynrychiolwyr eraill sy’n bresennol a gofyn cwestiynau. Dyma gyfle i siarad yn agored gyda chyfoedion ac archwilio beth sy’n gweithio, beth sydd ar goll a beth fydd yn gwneud gwahaniaeth gwirioneddol i denantiaid.

Ar gyfer pwy mae'r sesiwn? – mae’r sesiwn Ford Gron hon ar gyfer staff sy’n gyfrifol am feysydd cysylltiedig megis: gwasanaethau cwsmeriaid, TG, ymgysylltu â thenantiaid, rheoli tai, cwynion a gwella gwasanaethau.

Mae hon yn sesiwn ar-lein rhad ac am ddim yn arbennig ar gyfer aelodau TPAS Cymru.

Hwylusydd y Sesiwn – David Lloyd 

https://us02web.zoom.us/meeting/register/tZIucuuhpjIrEtfhfW70ma4KaI3SaGZ7PeR7