Ymgynghoriad SRhP Llywodraeth Cymru ar Ddeddf Rhentu Cartrefi (Cymru).

19th October 2022, 5:30-6:30pm

O 1 Rhagfyr, 2022, bydd Deddf Rhentu Cartrefi (Cymru) yn gwneud rhentu cartref yng Nghymru yn gliriach. Ymhlith y newidiadau, bydd yn rhoi mwy o amddiffyniad i rentwyr (a elwir yn ‘ddeiliaid contract’ o dan y Ddeddf). Mae Llywodraeth Cymru yn ceisio barn landlordiaid a thenantiaid ar newid arfaethedig i’r cyfnod hysbysiad adennill meddiant sy’n gymwys os nad yw deiliad contract ar fai.

Ar gyfer contractau safonol cyfnodol newydd y cytunwyd arnynt ar neu ar ôl 1 Rhagfyr 2022, rhaid i landlordiaid roi o leiaf chwe mis o rybudd i ddod â’r contract i ben os nad yw’r deiliad cyswllt ar fai. Fodd bynnag, ar hyn o bryd, bydd tenantiaethau byrddaliad sicr cyfnodol presennol sy’n trosi i gontractau safonol cyfnodol ar 1 Rhagfyr yn destun cyfnod rhybudd dim bai o ddau fis yn unig.

Mae Llywodraeth Cymru ar hyn o bryd yn ymgynghori ar:

• a ddylai’r cyfnod rhybudd newydd o chwe mis ar gyfer hysbysiad adennill meddiant dim bai fod yn gymwys hefyd i gontractau meddiannaeth safonol wedi’i drosi ac, os felly;
• pryd y dylai'r cynnydd arfaethedig hwn yn y cyfnod rhybudd ddod i rym.

Cofrestrwch ar gyfer y sesiwn gan ddefnyddio'r ddolen ganlynol:  https://us02web.zoom.us/meeting/register/tZAqceuhqz8qH9Vv5gdOuFPcdLn8r8X7FcNH