Ymgynghoriadau Rhent – dysgu gan eraill

11 Hydref 2022, 10am-12pm

Gosod Rhent ac ymgynghori â thenantiaid yw un o'r pynciau poethaf ar hyn o bryd. Fel sector y mae angen i ni fod yn well felly peidiwch â cholli allan ar y gweminar hanfodol newydd hon i ddysgu o 3 astudiaeth achos unigryw o'r Alban a Chymru am sut i sicrhau fod ymgynghoriadau rhent yn gweithio.

I denantiaid mae'r argyfwng costau byw yn enfawr.  Mae tenantiaid yn wynebu biliau ynni andwyol ac o bosib, codiadau rhent sylweddol.  Mae fforddiadwyedd rhent yn mynd i gael ei graffu’n sylweddol.

Dros y degawd diwethaf, roedd cysylltiad llym rhwng polisi bennu rhent Llywodraethol Cymru a chwyddiant (CPI). Yn gyffredinol, cododd rhenti yn uwch na chwyddiant ac felly hefyd safonau. Mae'r model hwnnw bellach yn edrych yn bryderus i denantiaid. Rydym bellach mewn cyfnod o chwyddiant uchel a allai fod ar frig 10% – a allai olygu codiadau rhent syfrdanol i denantiaid. Rydym eisoes yn clywed sibrydion am godiadau o fwy na 6% yn cael eu cynnig.

Mae angen ymgysylltu’n dda â thenantiaid ac o dan ‘Safon Rhent a Thâl Gwasanaeth’ presennol Llywodraeth Cymru (LlC) mae disgwyliad clir ar landlordiaid cymdeithasol ynghylch ymgysylltu ac ymgynghori effeithiol â thenantiaid.   Yn wir, mae'r Ffurflen Monitro Hunan-Ardystio Blynyddol a gyflwynir i Lywodraeth Cymru gan landlordiaid yn ei gwneud yn ofynnol i landlordiaid ddangos ac amlinellu “y ffordd yr oedd tenantiaid yn cael eu cynnwys (ymgysylltu, ymgynghori ac adborth) a sut mae'r adborth a gafwyd wedi dylanwadu ar eich polisi pennu rhenti.”

O ystyried maint posibl y codiadau rhent, mae tenantiaid yn haeddu gwell o ran ymgynghori. Mae TPAS Cymru wedi cael nifer o landlordiaid i gysylltu â ni ynglŷn â’r pwnc hwn, ac felly rydym wedi trefnu’r sesiwn hon i drafod ymagweddau at ymgynghoriadau rhent ac arfer gorau.

Yn ystod y sesiwn hon byddwn yn clywed gan 3 astudiaeth achos gwych o Gymru a’r Alban. Mae siaradwyr yn cynnwys:

• River Clyde Homes (Yr Alban)
• Cyngor Sir Caerffili
• Cartrefi Cymoedd Merthyr

Gallai pob un ohonom elwa o glywed astudiaethau achos da. Fodd bynnag, nid astudiaethau achos yn unig fydd y sesiwn hon, byddwn wedyn yn newid i fformat trafodaeth a rhwydweithio i rannu profiadau a syniadau. Byddwch yn gadael y sesiwn hon wedi'ch ysbrydoli ac yn barod i fynd i'r afael â'r mater pwysig hwn yn eich sefydliad.

Peidiwch â cholli'r cyfle hwn i glywed am rai o'r arferion gwych sy'n ymwneud ag ymgynghori ar rent a'r cyfle i rwydweithio ag eraill a drafftio syniadau ar sut y gallech chi fynd i'r afael â hyn yn eich sefydliad.

Mae'r sesiwn hon yn addas ar gyfer staff, aelodau bwrdd a thenantiaid ymroddedig.

Archebwch eich lle drwy'r ddolen Zoom yma: https://us02web.zoom.us/meeting/register/tZcudOGorz8jG9Lc1d9RfBkdQonhel6vnygf

Noder – ar ôl i chi archebu drwy ddefnyddio'r ddolen hon byddwch yn derbyn cadarnhad e-bost gyda'r ddolen ymuno yn uniongyrchol gan Zoom ([email protected]) Nid yw'r ddolen ymuno yn dod o gyfeiriad e-bost TPAS Cymru felly efallai y bydd angen i chi wirio eich blychau e-bost sbam/sothach.  Mae'r e-bost gyda'r ddolen ymuno hefyd yn rhoi cyfle i chi gadw'r manylion i galendr electronig, fel Outlook