🏠 Perygl Llifogydd yng Nghymru: Canllaw i Denantiaid

Wyddech chi fod 1 o bob 7 eiddo yng Nghymru - tua 272,817 o gartrefi - mewn perygl o ddioddef llifogydd?

Gall llifogydd achosi anawsterau difrifol, ond gall bod â’r wybodaeth gywir a bod yn barod am lifogydd helpu i leihau’r effaith. Os ydych chi’n rhentu fflat neu dŷ, mae’n bwysig deall y perygl llifogydd i chi a chymryd camau ymarferol i amddiffyn eich hun a’ch eiddo.

🌧️ Sut Caiff Perygl Llifogydd ei Reoli yng Nghymru

Mae Cyfoeth Naturiol Cymru (CNC) yn rheoli perygl llifogydd ar sail risg, ac mae’n darparu gwybodaeth a chyngor i’r rhai sydd mewn perygl o ddioddef llifogydd ar y camau ymarferol y gallant eu cymryd i fod yn fwy parod cyn, yn ystod ac ar ôl llifogydd.

---

🔍 Gwiriwch y Perygl Llifogydd i’ch Eiddo Chi

Gallwch wirio'r perygl llifogydd ar gyfer eich ardal drwy nodi eich cod post yng ngwasanaeth ar-lein CNC: Gweld y perygl llifogydd i chi yn ôl cod post 

Mae’r offeryn hwn yn dangos y lefel uchaf o risg ar gyfer pob math o lifogydd (llifogydd o afon, dŵr wyneb, y môr, ac ati) o fewn 10 metr i’ch cyfeiriad

 

📲 Cofrestrwch i Gael Rhybuddion Llifogydd

Mae CNC yn darparu gwasanaeth rhybuddion llifogydd 24/7 AM DDIM. Trwy gofrestru, gallwch ddewis derbyn negeseuon rhybuddio trwy neges destun, galwad ffôn, neu e-bost pan ddisgwylir llifogydd yn eich ardal.  Mae TypeTalk ar gael hefyd ar 0345 602 6340

Cofrestrwch i gael rhybuddion llifogydd

Mae’r rhybuddion hyn yn rhoi amser i chi baratoi a chymryd camau i gadw’n ddiogel.

🧾 Siaradwch â’ch Landlord a Threfnu Yswiriant

Fel tenant:

• Trafodwch berygl llifogydd gyda’ch landlord.
• Gwnewch yn siŵr bod eich yswiriant cynnwys yn gyfredol ac yn cynnwys darpariaeth ar gyfer llifogydd.
• Ystyriwch lunio Cynllun Llifogydd Personol i’ch helpu i ymateb yn gyflym ac yn ddiogel.

Lawrlwythwch Gynllun Llifogydd Personol

Mae’r cynllun hwn yn amlinellu beth i’w wneud cyn, yn ystod ac ar ôl llifogydd, ac yn helpu i sicrhau bod gennych gyflenwadau a’r wybodaeth allweddol wrth law.

🤝 Gweithio gyda’n gilydd

Mae rhai cymunedau sy’n byw mewn ardaloedd ble mae perygl llifogydd wedi creu Cynlluniau Llifogydd Cymunedol. Mae’r rhain yn helpu gyda’r canlynol:

• Nodi a chefnogi cymdogion sy’n agored i niwed.
• Cydlynu camau gweithredu lleol.
• Rhoi gwybodaeth hanfodol i’r gwasanaethau brys.

Dysgwch am Gynlluniau Llifogydd Cymunedol

Mae gweithio gyda’n gilydd yn ein gwneud yn gryfach a gall helpu cymunedau i wella’n gyflymach ar ôl llifogydd.

✅ Cynghorion Olaf i Denantiaid 

• Sicrhewch fod gennych yr holl wybodaeth am y perygl llifogydd i chi yn lleol.
• Cofrestrwch i dderbyn rhybuddion llifogydd.
• Sicrhewch fod eich yswiriant cynnwys yn gyfredol ac yn ddilys ar gyfer llifogydd.
• Cadwch gyflenwadau brys a dogfennau pwysig yn ddiogel.
• Siaradwch â’ch landlord a’ch cymdogion.
• Gwnewch gynllun llifogydd personol.

Gall llifogydd ddigwydd yn sydyn - os byddwch yn barod, gallwch ymateb yn gyflym a chadw’n ddiogel.

Pecyn llifogydd brys